وتاری رەوتی سوسياليستی کومەله له کۆبونه‌وه‌ی راوێژی یه‌کێتی نه‌ته‌وه‌یی

فرخ معانی

به‌شداربوانی به‌رێزی کۆبونه‌وه‌ی راوێژی یه‌کێتی نه‌ته‌وه‌یی

وێڕای رێز و سڵاو بۆ هه‌موان! ده‌سخۆشی و ماندوونه‌بوون له به‌رێزانی کۆنگره‌ی نه‌ته‌وه‌یی کوردستان ده‌که‌ین به بۆنه‌ی ئه‌رکی ئاماده‌کاری ئه‌و کۆبونه‌وه‌یه.

به رێزان! رۆژهه‌ڵاتی ناوین، بۆته سه‌‌حنه‌ی نمایشی به‌شێکی زۆر له نا به سامانیه‌کانی دنیای ئه‌مرۆ. کێشه‌ و ململانێی زڵهێزه‌کانی جیهانی و له سه‌روی هه‌موانه‌وه، ئه‌مریکا و روسیه،  له‌و مه‌ڵبه‌نده چڕتر بۆته‌وه. روسیه و ئه‌مریکا به به‌کارهێنانی قودره‌تهای مه‌نته‌قه‌یی وه‌ک ئیران و عه‌ره‌بستانی سعۆدی و تورکیه و . . .، ئه‌وانیش به هێنانه مه‌یدانی ئه‌نواعی گروپ و باندهای ته‌بهکاری ئیسلامی به نیابه‌تی خۆیان و به گژ یه‌کدا کردنیان بۆ بردنه‌پێشی ئه‌هدافی په‌لیدیان، شه‌رێکی مه‌زهه‌بی ماڵ وێرانکه‌ریان به  وڵاتانی ئه‌فغانستان و سوریه و یه‌مه‌ن ته‌حمیل کردوه‌و، جار و باریش پریشکی ئاوڕی ئه‌م شه‌ر و کوشتاره خودی ئه‌وان و دراوسێکانی تریشی گرتۆته‌وه. حاکمانی دیکتاتۆر و خودکامه‌ و فاسیدی هه‌ر کام له‌م وڵاتانه‌ش که رۆژهه‌ڵاتی ناوین پێکدێنن، ده‌رحه‌ق به خه‌ڵکه‌که‌ی خۆیان، له هیچ بێ ره‌حمی و تاڵان و بڕۆیه‌ک سڵ ناکه‌ن‌ و به ئاشکرا درێژه‌ی ده‌سه‌ڵاتیان له خۆش خزمه‌تی به یه‌کێک له‌‌و زلهێزانه دا ده‌بێنن، نه‌ک خزمه‌ت به گه‌له‌که‌یان. به‌م پێشه‌کیه‌وه؛ به ده‌لیلی هه‌ستیاری بار و دۆخی ئێران و رۆژهه‌لاتی کوردستان، ئیدامه‌ی قسه‌کانم بۆ ئه‌و مه‌وزوعه ته‌رخان ده‌که‌م.

مێژوی زاڵمانه و سته‌مکارانه‌ی ده‌سه‌ڵاتدارانی کۆماری ئیسلامی ئێران له ماوه‌ی نزیک به چل ساڵ حاکمیه‌تی زیدی ئینسانی و لێوا و لێو له فه‌ساد وجینایه‌ت و ته‌بهکاریان سه‌لماندویه‌تی که؛ ئه‌م رژیمه وڵامی هه‌ر داخوازیه‌کی مه‌ده‌نی و ئازادیخوازانه‌ی کۆمه‌ڵانی خه‌ڵکی ئێران و کوردستانیان، به گرتن و زیندان و ئه‌شکه‌نجه و له سێداره دان و هێرشی نیزامی بۆ سه‌ر شار و گونده‌کانی کوردستان و قه‌ڵا چۆ کردن و وێرانکاری و بۆمباران و تیرۆر و . . . داوه‌ته‌وه.

داسه‌پاندنی سیاسه‌تی سته‌م و هه‌لاواردن و به‌ربه‌ست کردنی ئازادی و پێشێل کردنی مافی ره‌وای خه‌ڵک و ره‌فتاری زیدی ئینسانی و کرده‌وه‌ی جینایه‌تکارانه‌ی ئه‌م رژیمه، له ماوه‌ی حاکمیه‌تی‌دا، ناره‌زایه‌تی خه‌‌ڵکی ئیرانی له به‌رابه‌ر کۆماری ئیسلامی ئێران دا به ئه‌وجی خۆی گه‌یاندوه. کۆمه‌ڵانی خه‌ڵکی بێزار له رژیم، له ده‌ی مانگی ساڵی رابردووه به خۆپیشاندانی ئیعترازی به‌ر بڵاو که نزیک به سه‌د شاری ئێرانی گرته‌ به‌ر، به دڕوشمی “اصلاح طلب، اصولگرا دیگر تمامه ماجرا”، “مرگ بر خامنه‌ا‌ی” “مرگ بر دیکتاتور” بێ ئیعتمادی و بێ باوه‌ڕی خۆیان به کولیه‌تی ده‌سه‌ڵاتدارانی ئێران ده‌ربری و هه‌مزه‌مان دروشمی “نان، کار، آزادی”یان به‌رز کرده‌وه، داخوازیگه‌لێک که ئه‌م رژیمه ناتوانی به‌راورده‌ی بکا. یه‌که‌م له به‌ر دزی و تالان و برۆی سران و ده‌ست و پێوه‌نده‌کانیان و، دوهه‌م له‌ به‌ر هه‌زینه‌ی ته‌یار کردن و پڕچه‌ک کردنی  گروپهای تروریستی ئیسلامی بۆ ئاژاوه نانه‌وهله روژهه‌ڵاتی ناوین، یان هه‌ر وڵاتێکی‌تر که بۆیان بکرێ.

ئیعترازی کۆمه‌ڵانی خه‌‌لکی نارازی له ماوه‌ی نۆ مانگی رابردودا، سه‌ره‌رای بگیر و ببند و زیندان و شکه‌نجه‌و کوشتن و بێسه‌ر و شوێن کردنی گیراوه‌کان له لایه‌ن رژیمه‌وه، وه سه‌ره‌رای  هه‌ر ئوفت و خیزێک که ئه‌م  ئیعترازاته له‌م ماوه‌دا بویه‌تی، به‌ڵام ده‌ربڕینی ناره‌زایه‌تی خه‌ڵک جا به‌ شێوه‌ی خۆپیشاندان، یاکو ته‌حه‌سون و ئیعتساب ئیدامه‌ی بوه و سرانی رژیمی خستۆته ژێر فشار.

رژیم بۆ دامرکاندنه‌وه‌ی ئیعترازاتی جه‌ماوه‌ری نارازی، په‌ره‌ی داوه به گرتن و زیندان و ئیعدام، تا له رێگای  ترساندن و تۆقاندن پاشه‌کشه‌ به خه‌ڵک بکا. به‌ڵام خه‌ڵک، کارد گه‌یوه‌ته ئیسقانیان و ته‌حه‌مولی ئه‌و هه‌مو بی مافی و نه‌داری و هه‌ژاریه‌یان نه‌ماوه. ده‌ڵێن”رژیمهای دیکتاتوری تا کاتێک بژیوی خه‌ڵک دابین که‌ن ده‌توانن به حاکمیه‌تی خۆیان درێژه بده‌ن، که ئه‌وه‌یان بۆ نه‌کرا، خه‌ڵک ده‌یان روخێنن”. کۆماری ئیسڵامی ئێران ئێستا له‌م مه‌وقعیه‌ته دایه. چڵ ساله ئازادیان له خه‌ڵکی ئێران سه‌لب کردوه و ‌هیچیان به ده‌سته‌وه نه‌هێشون، ته‌نانه‌ت نانی سه‌ر سفره‌شیان لێ دزیون. بۆیه‌ خه‌ڵک بۆ روخانی رژیم هاتونه مه‌یدان و ستونی ئه‌سلی ئه‌م رژیمه واته “ولی فقیه” له دروشمه‌کانیان دا کردویانه‌ته ئامانج، وه له ساڵی پاره‌وه هاوار ده‌که‌ن: “سید علی وقت رفتنه”.

به رێزان! ئێستا کۆماری ئیسلامی ئێران له دو لاوه ته‌حتی فشاره؛

 یه‌که‌م له لایه‌ن میلیونها جه‌ماوه‌ری خه‌ڵکی نارازی به‌ وه‌زعی کار و ژیان و گوزه‌رانیان له ناو خۆێ وڵات‌دا، بۆ وێنه ئیعتساب و ئیعترازی کرێکاران له شیرکه‌ته‌کان و کارخانه‌ و کارگا سه‌نعه‌تیه‌کان، کامیون داران، موعه‌لمین، ژنان، دانشجویان، کشاورزان و ئه‌خیره‌ن بازاریانیش . . . هه‌موی ئه‌و چین و توێژانه به وه‌زعی مه‌وجود نارازین و ئه‌م رژیمه‌ش، له ته‌وانی دا نیه داخوازیه‌کانیان دابین بکا، ته‌نانه‌ت له دابین کردنی ئاوی خواردنه‌وه و به‌رقی ناوماڵیشیان عاجزه. کوردستانی ئێرانیش هه‌ر چه‌ن له سه‌ره‌تای ئیعترازاته‌کاندا تا راده‌یه‌ک بێده‌نگ بو، به‌ڵام له چه‌ند مانگی رابردودا به به‌رینی هاتوته مه‌یدان. نارزایی ده‌ربرینی کۆمه‌ڵانی خه‌ڵکی کوردستان به تایبه‌ت به دوای ئیعدامی رامین و لقمان و زانیار و رۆژێک پاش ئه‌وئیعدامانه‌ش موشه‌ک بارانی باره‌گای ناوه‌ندی حیزبی دێموکراتی کوردستان له کۆیه، به ئه‌وجی خۆی گه‌یی و له ئیعتسابێکی که‌م وێنه‌دا هه‌مو شاره کورد نشینه‌کانی ئێران به ئیعتراز به‌و جینایاته، یه‌کپارچه ته‌عتیل بون. به‌م جۆره کۆمه‌ڵانی خه‌ڵکی کورد له رۆژهه‌ڵاتی کوردستان، به ئیتحاد و هاوکاری هه‌مو چین و توێژه‌کان، له حه‌ره‌که‌تێکی مه‌ده‌نی شایسته‌دا، رژیمی جورم و جینایه‌تی کۆماری ئیسڵامی ئێرانیان مه‌حکوم و رسوا کرد و نه‌فره‌ت و بێزاری خۆیان له حاکمانی ئێران به دنیا راگه‌یاند.

 دوهه‌م له‌ ئه‌سه‌ر به‌رقه‌رار بونه‌وه‌ی دووباره‌ی گه‌مارۆ ئابوریه‌کان له لایه‌ن ئه‌مریکاوه. فرۆشی نه‌ڤتی ئێران، که سه‌رچاوه‌ی سه‌ره‌کی داهاتی ده‌وڵه‌ته به راده‌یه‌کی به‌ر چاو دا‌به‌زیوه‌و ئه‌وه‌ش به مانای که‌م بونی ئیمکاناتی مالی رژیمه. دیاره ته‌حریمه‌کان له سه‌ر ژیان و گوزه‌رانی خه‌ڵک کاریگه‌ری سه‌لبی هه‌یه. ئه‌رزشی پاره‌ی ئێرانی به شیده‌ت دابه‌زیوه، هه‌ر ئه‌وه‌ش بۆته هۆی گرانی سه‌رسورهێنه‌ری هه‌مو که‌ل و په‌ل و پێداویستیه‌کانی رۆژانه‌ی خه‌ڵک و فشاری گرانی له ئه‌سه‌ر ته‌حریمه‌کانه‌وه، ژیان و گوزه‌رانی خه‌ڵکی به چه‌ن قاتی جاران سه‌ختتر کردوه. ئه‌م وه‌زعه، له واقعدا رژیمی له گه‌ڵ بوحرانیکی قوڵی ئابوری و سیاسی و کۆمه‌لایه‌تی روبه‌روکردوه و له چه‌ن مانگی رابردودا ئه‌و بوحرانه هه‌ر هاتوه‌و قوڵتر بوته‌وه، به جۆرێک که زۆرێک له کارشناسانی بواری سیاسی و ئیقتسادی و ئیجتماعی پێیان وایه؛ ره‌وتی روخان و هه‌ره‌س هێنانی کۆماری ئیسلامی ئێران ده‌‌ستی پێکردوه.

کۆمه‌ڵانی خه‌ڵکی ئێران حاکمانی ئیسلامی به عامیلی ئه‌سلی نه‌داری و هه‌ژاری و هه‌مو موشکیلاتێک ده‌زانن که نزیک به چل ساله برؤکی گرتون.  بۆیه له سه‌رده‌می ئێستادا که کۆماری ئیسلامی ئێران گرفتاری بوحرانێکی گه‌وره‌یه، وه کۆمه‌ڵانی خه‌ڵکی ئێران بۆ رزگار بونیان له ژێر باری ئه‌و هه‌مو سته‌مکاری و نه‌هامه‌تیه‌ی که ئه‌م رژیمه له ماوه‌ی حاکمیه‌تی زاڵمانه‌یدا به سه‌ری هێناون، وه بۆ گۆرینی ئه‌م بارودۆخه ناله‌باره‌و، بۆ به‌ دیهێنانی دێمۆکراسی و ئازادی و عه‌داله‌ت و ئارامی و ئه‌منه‌یه‌ت، هاتونه مه‌یدانی خه‌باتێکی سه‌خت و دشوار له دژی ئه‌م رژیمه گه‌نده‌ڵه، پێویسته جه‌ماوه‌ری ئازادیخواز و عه‌داله‌ت ته‌له‌بی کوردستان، به به‌شداری راسته‌و خۆ و پشتیوانی له هه‌ر حه‌رکه‌تێکی پێشکه‌وتنخواز، بۆ لاوازتر کردنی ده‌سه‌ڵاتی رژیم  له کوردستان و باقی شوێنه‌کانی ئێران، ئه‌رکی مێژویی خۆی له روخانی ئه‌م نیزامه فاسیده به جێ بێنێ. ‌هێزه سیاسیه‌کانی کوردستانی ئێرانیش، پێویسته بۆ پێکهێنانی فه‌زای ته‌بایی و هاوکاری و  ئیتحادی عه‌مه‌ل، بۆ یه‌کخستنی خه‌باتی کۆمه‌ڵانی سته‌ملێکراوی کوردستان له دژی رژیمی ئیسلامی ئیران هه‌ست به مه‌سئولیه‌ت بکه‌ن‌و بۆ ته‌قویه‌تی بزوتنه‌وه‌ی شورشگێرانه‌و ئازادیخوازانه‌ی گه‌لی کوردستان تێبکۆشن.

له کۆتایی‌دا داوامان له دۆستانی کۆنگره‌ی نه‌ته‌وه‌یی کوردستانیش ئه‌وه‌یه که؛ به راشکاوی هه‌مو ره‌فتار و کرده‌وه‌ی زیدی ئینسانی کۆماری ئیسلامی ئێران، له دژی بزوتنه‌وه‌ی حه‌قخوازانه و شورشگێرانه‌ی گه‌ڵی کورد له رۆژهه‌ڵاتی کوردستان مه‌حکوم که‌ن‌و، حیمایه‌ت و پشتیوانی خۆیان بۆ هه‌ڵسوراوانی کرێکاری، چالاکانی سیاسی دیمۆکراسی خواز و فه‌عالانی بزوتنه‌وه‌ مه‌ده‌نیه‌کان ده‌ربڕن.

فرخ معانی

روتی سوسياليستی کومەله

26.10.2018

Be the first to comment

Leave a Reply

Your email address will not be published.


*